Kali kamli mein Jo

Malik ul mulq la shareeka la hoo

Wahda hu la ilah illah hu

Shams tabrez gar khudaya talabeen

Khushboo khwan la ilah allah hu

Tazeem se leta hai khuda naam e Muhammad

Kya naam hai e salle allah naam e Muhammad 

Allah kare uspe haram aatishe do zakh

Jis shakhs ke ho dil pe Likha naam e Muhammad

Aaya labon pe zikr Jo hai allah naam ka

Sauda hua buland durood O salaam ka

Mujh par nisar hone lagin mastiyan tamaam

Main zikr kar raha tha Muhammad ke naam ka

Musa se sare toor kalam apni jagah hai

Sarkar e madina ka makaam apni jagah hai

Hai sare rasoolon mein siva shaan e Muhammad

Tasbi hi ke daanon mein imaam apni jagah hai

Kali kamli mein Jo zeeshan nazar aata hai

Doob jane ke jab aasar nazar aate hain

Kali kamli mein wo sarkar nazar aate hain

Kya kahiye ki kya Dekha roze pe Muhammad ke

Beparda khuda Dekha parde mein Muhammad ke

Har nazar kaamp uthegi mehshar ke din

Maut se har kaleja dahal jayega

Ohd kar kali kamli wo aa jayenge 

Hashar ka saara naksha badal jayega 

Kali kamli mein Jo zeeshan nazar aata hai

Dono aalam ka woh nigahban nazar aata hai

Sayyad e kauno makan Teri ataon ke nisar 

Tera mohtaz bhi sultan nazar aata hai

Ankh uthti hai to milta hai talawat ka maza 

Tera chehra humein Quran nazar aata hai

Tujhe sochna mohabbat 

Tujhe Dekhna ibadat

Yahi meri bandgi hai 

Ki main karun Teri talawat

Tumhare rukh ko hai dil mein sumo liya

To hum aaj hafiz e Quran ho gaye

Ishq ko unke na kyon dil se lagakar dekhun

Meri bakshish ka ye samaan nazar aata hai

Farsh pe tooti chatai hai bichchona jiska

Arsh e aazam ka woh mehman nazar aata hai

Yun nazar aata hai kamli mein Muhammad ka jamaal

Jaise juzdaan mein Quran nazar aata hai

Mere sarkar ki tazeem hai jiske dil mein

Mujhko wo sacha musalman nazar aata hai

Ibtida karta hoon jab naam e Muhammad se main

Kaam dushwar bhi aasan nazar aata hai