mere dil mein ishq e huzoor hai

tere hi naam se har ibteda hai
tere hi naam se har inteha hai
teri hamd o sana alhamdolillah
ki tu mere muhammad ka khuda hai

taazeem se leta hai khuda naam e muhammad
kya naam hai aye salle ala naam e muhammad
allah kare uspe haraam aatish e do zakh
jis shakhs ke ho dil pe likha naam e muhammad

madine wale ka jo bhi ghulam ho jaaye
kasam khuda ki wo aalin makaam ho jaaye
nabi ke ishq ka jis dil mein daagh ho roshan
toh uspe aatish e do zakh haraam ho jaaye

mere dil mein ishq e huzoor hai
main jahan mein sabse ameer hoon

dil mein ishq e shah e konain ki daulat hai padi
hun toh nadaan main lekin meri keemat hai badi

tujh mein hoor o kusoor rehte hain
maine maana zaroor rehte hain
mere dil ka tawaaf kar jannat
mere dil mein huzoor rehte hain

mere dil mein ishq e huzoor hai
main jahan mein sabse ameer hoon

mujhe taajdaaron se kya garaz

main dar e nabi ka fakeer hoon

mujhe haq ne bakshi hai bartarin

meri thokaron mein sikandari

yeh jahaan nigah mein kyun jache

main gada hoon apne huzoor ka

main ghulam e panjtan e paak hoon

main dar e rasool ki khaak hoon

main hassan hussain ka hoon gada

main sag e janaab e ameer hoon

mujhe mehr o maah se kaam kya

tere nakshe paa pe main hoon fida

mujhe kya rehaz se waasta

teri zulf ka main aseer hoon